Яг энэ үеэр буюу 15 цагт Монгол Улсын Шинжлэх Ухаан Технологийн Их сургуулийн Удирдах зөвлөл энэ асуудлаар дахин хуралдах ажээ.

БСШУЯамны Мэргэжлийн Боловсролын Газрын дарга Бат-Эрдэнэ хэлэхдээ “Тухайн сургууль санхүүжилтийг өөр өөр эх үүсвэрээс гарган авч байдаг. Гэвч бусад эх үүсвэрээс санхүүжилтийг бүрдүүлж чадахгүй байгаа учир оюутны сургалтын төлбөрөөс бүрдүүлэх болоод байгаа юм. Ямартай ч тус яамнаас ШУТИС-ийн Удирдах Зөвлөлийг дахин хуралдуулахаар болоод байна” гэж ММ агентлагийн Долоо хоног хөтөлбөрийн үеэр өгсөн ярилцлагадаа ярьж байсан юм.

“Тус сургуулийн Удирдах Зөвлөлийн дарга, УИХ-ын гишүүн З.Энхболдод тус удирдах зөвлөлийн дарга нарыг огцруул, оюутны сургалтын төлбөрийг хэвээр нь үлдээх талаар шаардлагыг хүргүүлсэн байгаа” гэж Монголын Оюутны Холбооны төвлөрсөн арга хэмжээ хариуцсан ажилтан Ж.Энхбат ярьсан юм.

Харин ШУТИС-ийн Удирдах Зөвлөлийн дарга, УИХ-ын гишүүн З.Энхболдтой утсаар холбогдоход “МОХ-ноос тавьсан шаардлагыг өнөөдөр болох хуралдаан дээр авч хэлэлцэнэ. Удирдах зөвлөл нийт 30 хүний бүрэлдхүүнтэй. Энэ асуудлуудыг өнөөдрийн хуралдаанаар тодорхой хэмжээгээр шийдвэрлэнэ гэдэгт итгэж байна” гэж ярьсан юм.